ग्रामपंचायत भावसे (आ. भावसे, पोस्ट तानसा, ता. शहापूर, जि. ठाणे) ही ऐतिहासिक, धार्मिक व निसर्गसंपन्न परिसरात वसलेली ग्रामपंचायत आहे. भावसे गाव मावळी किल्ल्याच्या पायथ्याशी वसलेले असून गावाला समृद्ध ऐतिहासिक वारसा लाभलेला आहे. तसेच हे गाव तानसा अभयारण्याने वेढलेले असून या परिसरात विविध प्रकारचे वन्यजीव आढळतात. गावावर वारकरी संप्रदायाचा खोल प्रभाव असून श्री चैतन्य कानिफनाथ महाराजांच्या कृपेने गाव धार्मिक व सांस्कृतिक दृष्ट्या समृद्ध आहे.

ग्रामपंचायत भावसेची एकूण लोकसंख्या सुमारे १९८२ असून सुमारे ४३० कुटुंबे येथे वास्तव्यास आहेत. गावातील साक्षरतेचे प्रमाण अंदाजे ९०% आहे. ग्रामपंचायतीचे एकूण क्षेत्रफळ सुमारे ११६५.०७ हेक्टर असून येथील नागरिकांचा प्रमुख व्यवसाय शेती आहे. शेतीसोबतच जोडधंदा म्हणून शेतीमजुरी व मासेमारी व्यवसायही केला जातो. गावाच्या पूर्वेस तानसा नदी असून तानसा–मोडकसागर धरण मुंबई शहराला पाणीपुरवठा करणारे महत्त्वाचे जलस्रोत आहेत. गावाच्या विकासासाठी सर्व ग्रामस्थ सक्रिय सहभाग घेतात.